Кембрижийн хөтөлбөртэй Их засаг лицей сургуулийн сурагчид, зуны амралтаараа өвөө эмээ аав ээждээ туслах, ногоо цэцэг тарих, ном уншиж тэмдэглэл хөтлөх, дамжаа сургалтанд сууж өөрийгөө хөгжүүлэх, гадаадад болон эх орноороо аялах гээд хөгжилтэй сайхан амарсан тухайгаа жил бүр тайлагнадаг уламжлалтай.

Энэ удаагийн “Зуны амралтын зугаатай өдрүүд-2024” тайлант үзэсгэлэнд 2-12-р ангийн сурагчдын 300 шахам бүтээлүүд дэлгэн тавьж амралтынхаа хөгжилтэй сайхан дурсамжаас хуваалцлаа. Зуныг хамгийн үр бүтээлтэй өнгөрүүлсэн “Шилдэг бүтээлч анги”-аар шалгарсан 4б, 7а, 10б ангийн сурагчдадаа баяр хүргэе!